Embedded Files
Ko Te Aho Matua te tūāpapa o ngā Kura Kaupapa Māori. Kua tuhia Te Aho Matua ki te reo Māori, he whakatakotoranga i ngā mātāpono, e pouheretia ana e ngā uaratanga me ngā tikanga a te Māori, e piriponotia ana e ngā Kura Kaupapa Māori. He anga hoki e whakakotahi ana i ngā Kura Kaupapa Māori e whakaū ana ki te whakatū me te whakahaere i ngā kura ahurei, e tino tika ana mō te mātauranga o ā rātou tamariki. Kei Te Aho Matua anō hoki ngā aratohu kaupapa here mā ngā mātua, ngā pouako me ngā Poari Kaitiaki kura te whai atu (Te Rūnanga Nui/ERO, 2008).
Nuki Tākao (2010)
Ko Te Aho Matua e whakapuaki ana i ngā tino uaratanga me ngā tino mātāpono o tēnei kaupapa ako hei tūāpapa mō Ngā Kura Kaupapa Māori. Kei reira hoki ngā kaupapa e whakaaro nuitia e te Māori. Koirā pea te take he Kura Kaupapa Māori kei ngā rohe, kei ngā iwi puta noa. E taea pea te kī, he āronga Māori (Royal, 2008) a Te Aho Matua.
“Ko te ahurea ko Te Aho Matua. Ahakoa kāore anō kia tino tika, kei te whai tonu i tērā ahurea.”
Cathy Dewes, Tumuaki, Ruamata
Ko Te Aho Matua tērā e whakapuaki ana i ngā uaratanga a te Māori. Nā reira, ka meatia ko Te Aho Matua he tūāpapa hei whakawhanake, hei ārahi i te oranga o te whānau, o te hapū, o te iwi hoki ā tōna wā, mehemea e hiahiatia ana. I roto i ēnei kura whai angitu kei te kitea ngā whānau e whai wāhi nui atu ana. E whakaū ana ngā mātāpono me ngā tikanga i whakapuakingia e Te Aho Matua i roto i ō rātou kāinga.
Nuki Takao (2010)
Page updated
Report abuse