Ngā Ope Tauā

E rere e te pouakai! Ko te pouakai tētehi o ngā tino manu nui o te takiwā o Waitaha i ngā rā o tūnohunohu mā. He manu kai tamariki he manu kaitiaki anō hoki. Nā Whaea Ropine te ingoa Pouakai i tapa i te mea i te rangahau ia i ngā āhuatanga o te pouakai i te orokohanga o te Ope Tauā. Ko te kahurangi te tae o te ope. Ko pouakai hoki te toa whakaihu waka o te Ope Tauā mō ngā tau e rima.

Ko Whaea Ropine rātou ko Pāpā Tahu ko Whaea Melody ko Whaea Tracey ko Tuahine Moirena ko Matua Tyronne ngā pakeke o te ope.

I te tīmatanga o te kaupapa nā te tokomaha o ngā taiohi i noho ki te tiriti o Wainoni i tapaina te ope ki taua ingoa. Ko te kupu mātātahi he kupu anō mō te taiohi. Ko te tae o te ope ko te kākāriki!

Ko Matua Reece rātou ko Whaea Hana ko Pou Maia ko Whaea Caroline ngā pakeke o te ope.

Ko Tuawera te ingoa o te toka nui kei te taha moana ki Rānui (Sumner). Nā Whaea Hoana te ingoa i tapa i te ahunga mai o te kaupapa Ope Tauā. Ko te tae matua ko te whero, nā, koia hoki te tae o ngā toka tahe ki Tuawera! Tuawera tino wera!

Ko Matua Ruawhitu rātou ko Whaea Tina ko Whaea Caity ko Whaea Jacque ko Whaea rana ngā pakeke o te ope.

Ko te ingoa o tētehi o ngā maunga kei ngā pae maunga e whakaruru ana i te kura ko Te Iringa o Kahukura. I tōna tīmatanga ko te mā te tae matua o te ope, nā wai, nā wai ko ngā tae o te tawhana, inaianei ko te waiporoporo te tae matua.

Ko Whaea Kimi rātou ko Matua Rangi, ko Tuahine Ramari, ko Whaea Amiria, ko Whaea Mikaela ngā pakeke o te ope.

Manatū ki te rangi! Ko Manatū te ingoa tūturu mō te kuhunga ki te kura. Koia hoki te ingoa o te tiriti iti pātata ana ki te kura. Ko tōna tikanga koia te kuhunga matua ki te kura. He wāhi kua raupatuhia e te pākehā. I whakaingoatia mai te ope e Kōkā Merita hei tohu maumahara ki taua pūrākau . Ko te kōwhai te tae o Manatū.

Ko Kōkā Merita rātou ko Pāpā Hori ko Whaea Ally ko Whaea Bunty ko Whaea Michelle ko Matua Piripi ngā pakeke o te ope.